٦
العالمية التانية، بس الملكية الجماعية والتخطيط خلوا
البلاد دي تتقدم؛ وتحقق السعادة للناس بتوعها. يا سلام
يا "عبس" لو الاشتراكية دي تتطبق في مصر، كانت
تبقى جنة، ساعتها مش هيكون فيه فقر ولا واحدة
تشتغل فِ الدعارة عشان توكل عيالها.. حلم، حلم
كبير يا "عباس"…
.. ودعت "حميد" وبداخلي هزة ورعب وكسوف، في
الليل فتحت الكتاب وقرأت، فائض القيمة، القوى المنتجة،
عملية الإنتاج، وصوت أبي يخترق أذني:
- الملاحظ ابن الكلب،عدى، لقيني قاعد، راحمزعق وخد
الدفتر من الريس وخصم اليوم، وبكره عندي تحقيق.. الله
ينعل أبوه على أبو الحكومة.. الواحد زهِق.. أستغفر الله
العظيم…
جاوبته أمي بصوت حزين:
- دم ياخده ابن الكلب.. شالله يتشك ف قلبه، يخصم اليوم
يعني هوه هيقبضك من جيب أبوه.. بس ما تزعلش
روحك، اللي يجِي فِ لِْفلوس ساهِلْ، يخلف عليك ربنا
بالحلال.