(1) + 

... محمد ... + 

كانت منهمكة في تحضير طعام الإفطار + 

انتفضت بشدة مطلقة وشهقت بفزع عندما نزل فوق رأسها كالسهم قفزا من سلم السطوح في وسط الدار القديمة + 

محمد : صباح الخير يام محمد + 

الأم : بسم الله الرحمن الرحيم ... + 

كده يا محمد ؟ جعزتني يا وله + 

محمد بمرح : بعد الشر عليكي يا ست الكل (يقبل يدها) ... أجيب لك طاسة الخضه ؟ + 

الأم : فايق ورايق ؟ + 

دا جدك هايطينها على دماغك ... وامبارح قلب عليك البلد كلها ...كنت فين امبارح يا وله ؟ + 

محمد : ماني قايلك امبارح يامه اني رايح الزقازيق + 

ياسلام يامه لو كنتي جيتي معايه ... وشوفتي المحافظ وهو بيسلمني مداليه البطوله + 

الأم : مدالية ايه يا عين أمك ! + 

محمد : بطولة المحافظه يامه ابنك بطل المحافظه في الكنغ فو + 

الأم : آه لو جدك عرف ! + 

محمد : لااا واني مجنون أقوله ... الله الوكيل ده كان يحدفني في الترعه ... هو كان بيدور عليا ليه امبارح ؟ + 

الأم : عشان تروح معاه دار الخلايفه + 

محمد : ليه ؟ + 

الأم : عشان يخطب لك زينب بنت سماعين خليفه + 

محمد : (بطريقة تمثيلية جدا ) ايه ... لا... لا ... + 

كده يامه ! عاوزين تخلصوا مني ! + 

تعالالي يابا ... هايجوزووووووووني + 

الأم : يا وله عاوزين نفرح بيك + 

محمد : لا ... انتوا عاوزين تخلصوا مني ... مش عاوزين تصرفوا على علامي ... (يندمج في الفيلم الذي يمثله) + 

أني أول ما هاشوف جدي هاقوله أنا ... + 

يلتفت فيفاجأ بجده واقفا ينظر إليه بغضب + 

يكمل بمرح خائف : أنا المصري ... كريم ال... + 

يعتدل بجدية : احم ... صباح الخير يا جدي + 

الجد الغاضب : صباحك زي وشك ... طول عمري باقول عليك أراجوز ومشخصاتي ... من وانت عيل بتلعب مع العيال في الحاره كنت تعملهم أراجوز عشان تضحكهم + 

عمرك ما هاتبقى راجل + 

هربت امبارح من البلد كلها عشان ما تتجوزش ؟ + 

محمد بخوف واحترام : ياااا ... جدي ... اني عاوز أكمل علامي + 

الجد بغضب : ياخي ان شالله ما عنك اتجوزت ... والله مانت فالح ... علام ايه يا وله ... بقى انت وش علام + 

مش كفايه العمله السوده اللي عملتها ‍‍‍‍‍‍‍‍‍‍‍‍‍‍‍‍‍‍‍؟ + 

فيه حد في الدنيه يجيب 90 في الميه ويدخل الآداب ؟ + 

أمال الطب عملوه لمين يا وله ؟ ماترد ... + 

لكن هاترد تقول ايه ؟ أحسن لك تسكت وتحط على خيبتك جله + 

تعالى هنا يا وله (يشده من شعره ليريه مجموعة من الصور معلقة على الحائط) بص للرجاله دول ... بص واتعلم منهم + 

محمد أي ... أي ... أي ... أييييييييييي + 

شفتهم ... شفتهم 80 مره يا جدي ... وعارف حكايتهم واحد واحد + 

الجد بغضب : لكن ماتعلمتش منهم حاجه ... هاتفضل طول عمرك عيل ... عمرك ما هاتبقى راجل + 

يخرج بغضب متكئا على عصاه : جتكوا نيله عيال ناقصه ربايه (تم حذف جملة سنينكوا السوده لأنه لا يجوز سب الدهر) + 

الأم : كده زعلت جدك ؟ يعني كان فيها إيه لما تدخل كليه قريبه بدل الغربه ياضنايه ؟ + 

محمد : يامه اني عاوز اشوف مصر ... أم الدنيا + 

يسرح مع نفسه في الأحلام ... + 

يمكن يوسف شاهين يشوفني ويكتشفني .. يا سلام يا ولاد + 

داني ساعتها هامثل فى السيما ... الله الوكيل هابقى أجدع من حسين عبد العزيز ومحمود فهمي + 

الأم بغضب : بينك اتخبط في نافوخك ... يبقى جدك عنده حق ... والله مانت فالح ‍‍‍‍‍‍‍‍‍‍‍‍ + 