(3) + 

... الرحلة ... + 

ينزل الشباب من الحافلة لمشاهدة معالم سيناء وينتشرون في أرجاء المكان مستمتعين بالرحلة + 

فوزي ينادي بأعلى صوته : محمد ... محماااد + 

يا رجب ... مشفتش محمد ... ايه محدش شاف محمد ؟ + 

يظل يبحث حتى وصل إلى محمد الواقف في الشمس وهو شارد تماما وإحدى ساقيه تستند على صخرة والأخرى تغوص في رمال سيناء + 

فوزي : ايه يابني انت دايما كده مدوخني وراك ؟ افتكرتك تهت + 

محمد : هه ... بتقول حاجه + 

فوزى : لااااااااا دانت مش هنا خالص ... سرحان في إيه ؟؟ + 

محمد دون أن يحول عينيه عن السور السلكي الذي يبعد عنه مئآت الأمتار : في اللي ورا السور + 

ياعم احنا مالنا ومالهم، ماتخلينا في اللي قدام السور أحسن ... + 

بالحق، في ناس سألوني عنك امبارح، انت كنت فين ؟ + 

محمد : كنت باخد درس خصوصي + 

فوزي : درس خصوصي ؟ فين ؟ + 

محمد : في السفاره + 

فوزي : سفارة ايه ؟ + 

محمد : لا دي حاجات كبيره عليك، مش للي في سنك + 

فوزي : والناس اللي سألوني عنك كذا مره ؟ + 

محمد : يا عم أنا فاضيلهم ؟ أنا ورايا مذاكره + 

داحنا في سنه رابعه + 

فوزي : طول عمرك في حكاية البنات دي بالذات قفل مصوجر ... + 

والله مانت فالح + 

يالله ... يالله لاحسن الأتوبيس هايمشي + 

يسير محمد مع صديقه بضعة خطوات، ثم يلتفت ليلقي نظرة أخيرة على السور، وتتوهج عيناه الخضراوان ببريق عجيب ... وكأنما اشتعل فيهما اللهب + 

فوزي يشده : يالله يابني المشرف بينادي + 